Almatyda esirtkige masaıǵan kólik júrgizýshisi 30 jastaǵy áıeldi qaǵyp ketti
ALMATY. QazAqparat - Almatyda «Sýbarý» kóliginiń júrgizýshisi jaıaý júrginshiler jolyna shyǵyp ketip, bir qyzdy qaǵyp ketti, dep habarlaıdy QazAqparat tilshisi.
Jol apatynyń vıdeosy áleýmettik jelide tarady.
Almaty qalalyq polıtsııa departamentiniń málimetine sensek, apat Seıfýllın men Jibek joly kósheleriniń qıylysynda bolǵan.
«Búgin túski saǵat 12:50 shamasynda, esirtkige masaıǵan «Sýbarý» kóliginiń júrgizýshisi Seıfýllın men Jibek joly kóshesiniń qıylysynda jaıaý júrginshini qaǵyp ketti. 1991 jyly týǵan T. esimdi azamatsha № 4 aýrýhanaǵa jetkizildi. Sotqa deıingi tergeýdi Almaly aýdandyq polıtsııa basqarmasynyń qyzmetkerleri júrgizedi»,-dep habarlady polıtsııadan.
