Almatyda Esirtkige qarsy kúres basqarmasynyń basshylaryna qatysty qylmystyq is qozǵaldy
ASTANA. 9 qańtar. QazAqparat - Almatyda Іshki ister departamenti Esirtkige qarsy kúres basqarmasynyń basshylaryna qatysty qylmystyq is qozǵaldy.
Bul týraly qalalyq prokýratýranyń baspasóz qyzmetinen habarlady.
«Mysaly, qaladaǵy túngi klýbtardyń biriniń dırektory jasaǵan shaǵym negizinde, ІІD Esirtkige qarsy kúres basqarmasy men shuǵyl áreket etý jasaǵy onyń klýbyna avtomattarmen basa-kóktep kirip, tekseris jasaǵandary anyqtaldy. Іshki ister departamenti Esirtkige qarsy kúres basqarmasynyń basshylaryna qatysty qylmystyq is qozǵaldy», - delingen habarlamada.
Jalpy 2013 jyly qalalyq prokýratýra kásipkerlerdiń quqyqtaryn qorǵaý maqsatynda 28 tekseris júrgizgen. Nátıjesinde 1300-den astam zańbuzýshylyqtar tirkelgen. Kásipkerlerge qatysty 464 josparly tekseris zańsyz dep tanyldy.
Sonymen qatar prokýratýra kásipkerlerdiń isine zańsyz aralasyp, jumysyna kedergi keltirgen faktiler boıynsha 108 laýazymdy tulǵany jaýapkershilikke tartty.
