Almatyda esirtkige eltip rýlge otyrǵan avtobýs júrgizýshileri ustaldy
ALMATY. Jeltoqsannyń 25-i. QazAqparat /Erbol Azanbek/ - Almatyda ótip jatqan «Avtobýs» jedel-saýyqtyrý is-sharasy barysynda bir kúndik tekserister nátıjesinde esirtkige eltigen 3 avtobýs júrgizýshisi ustaldy,
dep habarlaıdy QazAqparat qalalyq ІІD-niń baspasóz qyzmetine silteme jasap.
Jol polıtsııasynyń ınspektorlary tańerteń 52-shi baǵyttaǵy qoǵamdyq kólikti toqtatqan. Tekserister nátıjesinde onyń júrgizýshisiniń esirtkige eltip alǵany anyqtalǵan. «TransServıs» JShS-na qarasty avtobýs júrgizýshisin teksergende, onyń qujattarynda 06.35-te tehnıkalyq jáne medıtsınalyq tekserýden ótkeni týraly jazylǵany anyqtaldy. Avtobýs júrgizýshisi men ony reıske jibergen tulǵalar ákimshilik jaýapkershilikke tartylady», deıdi Jol polıtsııasy basqarmasy bastyǵynyń orynbasary Muqan Dosymbaev.
Dál osy kúni 45, 130-shi baǵyttaǵy avtobýstyń júrgizýshileri de esirtki shekken kúıinde ustalǵan. Avtobýstar aıyppul turaǵyna qoıylyp, júrgizýshiler men jaýapty tulǵalar ákimshilik jaýapkershilikke tartylǵan.
