Almatyda esirtkige elitken avtobýs júrgizýshisi jolaýshylardy tasymaldaǵan
ALMATY. QazAqparat – Almatyda esirtki qoldanǵan avtobýs júrgizýshisi ustaldy, dep habarlaıdy «QazAqparat» HAA tilshisi polıtsııa departamenti baspasóz qyzmetine silteme jasap.
Búgin Ótemisuly kóshesindegi «Shańyraq» shaǵyn aýdanynda 103-shi baǵyttaǵy avtobýs júrgizýshisi qolǵa tústi.
«S. esimdi 1976 jyly týǵan avtobýs júrgizýshisi qujattaryn tekserý barysynda ózin durys ustap tura almaǵan. Inspektorlar ony medıtsınalyq kýálandyrýdan ótkizýge sheshim qabyldady. Sot-esirtke saraptamasynyń qorytyndysyna sáıkes, S. esimdi azamat kannabınoıdtardy qabyldaǵany anyqtaldy. Júrgizýshiniń ózi ony joqqa shyǵarmaıdy. Ol birneshe kún buryn marıhýana shekkenin aıtty. Bul jerde avtoparktiń ákimshiligi esirtkige masaıǵan adamdy jolaýshylardy tasymaldaýǵa qalaı jibergen degen suraq týyndaıdy. Sebebi bul júzdegen jolaýshy men jol qozǵalysynyń basqa da qatysýshylary úshin úlken qaýip», - dedi Almaty qalasy polıtsııa departamenti ákimshilik polıtsııasy basqarmasy basshysynyń orynbasary Nurlan Amanbek.
Sondaı-aq, N. Amanbek júrgizýshiniń avtobýsty júrgizýden shettetilgenin aıtty. Oǵan qatysty ákimshilik is qozǵaldy. Іstiń materıaldary jaqyn kúnderi sheshim qabyldaý úshin mamandandyrylǵan aýdanaralyq ákimshilik sotqa jiberiledi.
Avtor: Danııar Dáýitálıev
