Almatyda esirtkige elitken avtobýs júrgizýshisi jolaýshylar tasymaldaǵan
Almaty qalalyq polıtsııa departamentiniń málimetinshe, №118-shi baǵyttaǵy qoǵamdyq kólik Abaı dańǵyly men Ótegen batyr kóshesiniń qıylysynda toqtatyldy.
«Tártip saqshylary áreketi kúdik týǵyzǵan júrgizýshini toqtatyp, ony medıtsınalyq kýálandyrýdan ótkizýge apardy. Saraptama qorytyndysy boıynsha narkolog-dárigerler onyń esirtkige mas bolǵanyn anyqtady»,- dedi Ákimshilik polıtsııa basqarmasy bastyǵynyń orynbasary Dáýlet Seıitqulov.
Polıtsııa ókiliniń aıtýynsha, júrgizýshi qoǵamdyq kólikti basqarýdan shettetildi.
«Almaty qalasy boıynsha mamandandyrylǵan aýdanaralyq ákimshilik sotynyń sheshimimen er adam 8 jyl merzimge kólik quralyn basqarý quqyǵynan aıyryldy, sonymen qatar 15 táýlikke ákimshilik qamaqqa alyndy»,- deıdi ol.
Sonymen qatar avtobýs mamandandyrylǵan aıyppul turaǵyna qoıyldy.
«Sondaı-aq, esirtkige masań kúıdegi júrgizýshini jolaýshy tasymaldaýǵa ruqsat bergen avtokásiporynnyń medıtsına qyzmetkerine 150 myń teńge kóleminde aıyppul salyndy»,- dedi Dáýlet Seıitqulov.