Almatyda esirtki jarnamalaıtyn 3,8 myń ınternet-resýrs buǵattaldy
ALMATY. QazAqparat - Polıtseıler jergilikti bılikpen birlesip 2 myńǵa jýyq esirtki taratýshylardyń elektrondy mekenjaılary jazylǵan jazbalardy joıdy, dep habarlaıdy QazAqparat QR Іshki ister mınıstrliginiń baspasóz qyzmetine silteme jasap.
Baspasóz málimetterine qaraǵanda, júıkege áser etetin zattardy jáne esirtkilerdi jarnamalaıtyn jáne ótkizetin 3,8 myń ınternet-resýrs buǵattaldy. Júıkege áser etetin zattardyń graffıtı - jazbalarn jazǵan Almaty qalasy kolledjiniń úsh stýdentiniń árqaısysyna 48 myń teńge somasynda ákimshilik aıyppul salyndy.
Esterińizge salamyz, buǵan deıin uqsas quqyqbuzýshylyq jasaǵany úshin Petropavl qalasynyń turǵyny ákimshilik jaýapqa tartylyp, oǵan qatysty 180 myńnan astam somaǵa aıyppul salynǵan bolatyn.
Jyl basynan beri polıtsııa qyzmetkerleri jergilikti atqarýshy organdarmen jáne páter ıeleri kooperatıvteriniń ókilderimen (PIK) birlesip, eldi mekenderde esirtki taratýshylardyń elektrondy mekenjaılary jazylǵan 1,8 myńnan astam jazbany anyqtap, joıdy.
Osy aralyqta ІІM múddeli memlekettik organdarmen birlesip júıkege áser etetin zattar men esirtki quraldardyn jarnamalaıtyn jáne ótkizetin 3,8 myńǵa jýyq ınternet -resýrsty anyqtap, buǵattady.
Osyǵan deıin Almaty oblysyna 1 trln teńgeden astam ınvestıtsııa tartylatyndǵy týraly jazǵanbyz.
