Almatyda esirtki týraly keshendi jáne standarttyq eseptilik týraly halyqaralyq semınar ótip jatyr
ALMATY. Qazannyń 25-i. QazAqparat /Erlik Erjanuly/ - Búgin Almatyda keshendi jáne standarttyq eseptilik, sondaı-aq aqparattyq júıeni úzdiksiz damytý týraly halyqaralyq semınar ótip jatyr. Oǵan sarapshy retinde Lıssabondaǵy Esirtki jáne nashaqorlyq týraly eýropalyq monıtorıng ortalyǵynyń jetekshi fokýstyq pýnktteri sanalatyn Chehııa, Estonııa, Lıtva jáne Frantsııanyń mamandary shaqyrylǵan.
"Qazannyń 28-ine deıin sozylatyn bul sharanyń maqsaty esirtki jónindegi ulttyq aqparat júıelerin jańartyp, nyǵaıtýǵa kómektesý. Ony Germanııanyń tehnıkalyq yntymaqtastyq jónindegi qoǵamy Eýropalyq Odaqtyń Ortalyq Azııadaǵy esirtki tasymalyn joıý jónindegi baǵdarlamasymen seriktesip uıymdastyryp otyr", - deıdi Qazaqstandaǵy ulttyq úılestirýshi Artem Korchagın.
Onda Esirtki tutynýdyń monıtorıng júıesi baǵdarlamasynyń málimetti jınaý men taldaý, eseptilik jáne ınstıtýtsıonaldyq yntymaqtastyq jónindegi negizgi talaptary boıynsha ádistemelik trenıngter bolady. Jalpy Eýropalyq Odaqtyń Ortalyq Azııadaǵy esirtki tasymalyn joıý jónindegi baǵdarlamasynyń besinshi kezeńi bıylǵy jyly naýryz aıynda bastalǵan bolatyn.
