Almatyda esirtki tasymalynyń joly kesildi

NUR-SULTAN. QazAqparat - Qylmyskerler esirtkini tipti balalar tamaǵyna arnalǵan ydyspen tasymaldaýǵa tyrysqan. Tárkilengen esirtki zattarynyń jalpy salmaǵy 24 kelige jýyq. Barlyq buzýshylyqtar halyqaralyq sálemdemelerde anyqtalǵan. Bul týraly QR QM Memlekettik kirister komıteti habarlady.

Tek 2022 jyldyń basynan bastap Almaty qalasy boıynsha Memlekettik kirister departamentiniń «Jetisý» keden beketiniń qyzmetkerleri Almaty qalasynyń Áýe kóligi prokýratýrasynyń úılestirýimen esirtki zattaryn jetkizýdiń 23 áreketiniń jolyn kesti. Ótken 2021 jyly esirtki zattaryn Qazaqstanǵa ákelýdiń 14 faktisiniń joly kesilgen.

Ótken jyly da, aǵymdaǵy jyly da negizinen esirtki zattaryn AQSh, Kanada jáne Nıderlandydan ákelýge tyrysty. Ustalǵan esirtki quraldarynyń 69,6% - y AQSh-tan ákelingeni baıqalady.

Aǵymdaǵy jyldyń 7 aıynda esirtki ustaýdyń 23 faktisi anyqtaldy, onyń ishinde 16 «marıhýanany» ákelý faktisi, 2 «gashıshti» ákelý faktisi, 1 «MDMA (ekstazı) jáne kokaın» esirtki quraldary anyqtalǵanyn atap ótken jón.

Qaskúnemder esirtkini jetkizýdiń kúrdeli ádisterin qoldanýda. Turmystyq tehnıkada, oıynshyqtarda, balalar tamaǵyna arnalǵan ydystarda jáne basqa da zattarda esirtki quraldaryn ákelý áreketteri júzege asyrylǵan.

Sońǵy jaǵdaıdy mysalǵa keltirsek, 2022 jyldyń tamyz aıynda «Jetisý» keden beketinde halyqaralyq pochta jóneltilimderi ýchaskesinde «Rapiscan» kedendik baqylaýdyń tehnıkalyq quraldaryn qoldaný jolymen sálemdemege kedendik baqylaý júrgizý kezinde esirtki zattaryna kúdikti sálemdeme ustaldy. Sálemdeme Odessadan Almatyǵa baǵyttalǵan. «TruNarc» portatıvti analızatorynyń málimetteri boıynsha, 200 «MDMA» tabletkalary men 5 gramm untaq mólsherindegi esirtki zattar «Ekstazı» jáne «Kokaın» bolyp tabylady, olar balalar tamaǵynyń ishinde jasyrylǵan.

Barlyq materıaldar protsessýaldyq sheshimder qabyldaý úshin quqyq qorǵaý organdaryna berildi.