Almatyda esirtki shegip alyp kólik aıdaǵan júrgizýshi ustaldy
ALMATY. QazAqparat - Almaty polıtsııasy «Qarasý» postynda esirtkige esi ketken kúıinde kólik júrgizgen júrgizýshini toqtatty, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmeti habarlaǵandaı, quqyq qorǵaý organdaryna «Lada» júrgizýshisiniń qylyǵy kúdikti kóringen.
Polıtsııanyń toqta degen talabyna júrgizýshi toqtamaǵan.
«Kúdikti júrgizýshi aýlalardyń arasymen qasha jónelgen. Eki kvartaldan soń ol ustaldy. Onyń júrgizýshi kýáligi joq bolyp shyqty. Sondaı-aq tintý kezinde onyń qaltasynan jasyl tústi ósimdik tıptes zat tabyldy. Bul zat hımııalyq saraptamaǵa jiberildi. Atalǵan is Alataý aýdandyq polıtsııa basqarmasynyń qaraýynda bolǵan. Kúdik týǵyzǵan júrgizýshige medıtsınalyq kýálandyrý jasaldy. Nátıjesinde onyń esirtki shegip alǵany anyqtaldy. Qazir ákimshilik is materıaldary aýdanaralyq mamandandyrylǵan sot qaraýyna jiberildi», - dedi qalalyq Polıtsııa departamenti jergilikti polıtsııa qyzmetiniń polk komandıri Manap Sattarov.
