Almatyda esirtki saýdasymen turaqty túrde aınalysyp kelgen azamat áshkerelendi
ALMATY. QazAqparat - Almatyda esirtki saýdasymen turaqty túrde aınalysyp kelgen azamat áshkerelendi. Bul týraly búgin Almaty qalalyq ІІD baspasóz qyzmetinen habarlady.
Polıtsııa qyzmetkerleriniń anyqtaǵanyndaı, 51 jastaǵy er azamat esirtki taýaryn tike óziniń jumys ornynan - baspahanalardyń biriniń keńsesinen satyp otyrǵan. Ol onda kúzetshi bolyp jumys istegen.
«Jedel-izdestirý sharasy barysynda shamamen 18 saǵat 30 mınýtta bizdiń bólimsheniń qyzmetkerleri 1965 jylǵy S. esimdi azamatty ustady. Ol buǵan deıin bógdeniń múlkin urlaǵany jáne alaıaqtyq áreketi úshin sottalǵan bolyp shyqty.
Kúdiktiń 9,73 gramm gashısh satqany dáleldendi. Birshama ýaqyttan keıin, kúdiktiń ýaqytsha turyp jatqan baspanasynda, dálirek sol baspahananyń bir bólmesinde alǵashqy tergeý áreketterin júrgizý barysynda jasyryn jerden salmaǵy - 2,23 gramm marıhýana men salmaǵy - 102,3 gramm gashısh tabylyp, tárkilendi. Qazir esirtki zattaryn zańsyz saqtaý jáne satý deregi boıynsha sotqa deıingi tergeý amaldary júrgizilip jatyr. Kúdikti ýaqytsha tergeý abaqtysyna qamaldy. Tergeý óndirisi aıaqtalǵan soń is sotqa beriledi. Sondaı-aq, esirtkilerdiń Almatyǵa jetkizilý joldary, ustalǵan azamattyń klıentteri anyqtalatyn bolady», - dedi Almaty qalalyq ІІD Esirtki bıznesimen kúres jónindegi basqarma bastyǵynyń orynbasary, polıtsııa polkovnıgi Dáýlet Qazkeev.
