Almatyda esirtki saýdalaýshy quryqtaldy
ALMATY. Sáýirdiń 12-si. QazAqparat / Ádilet Musahaev / - Esirtki saýdalaýshy óz tutynýshylaryna marıhýana saýdalaý barysynda quryqtalǵan,
dep habarlaıdy QazAqparat ІІB baspasóz qyzmetine silteme jasap.
«Polıtseıler kúdiktini uzaq ýaqyt boıy ańdý nátıjesinde onyń bir qonaqúıden ózine klıent izdestirý kezinde quryqtaǵan. Tárkileý barysynda odan kóp mólsherdegi shóp túıirshikteri tabylǵan. Osy qonaqúıdiń kafesinde ol eki sirińke qorabyna salynǵan nashany satyp úlgergen. Esirtki saýdalaýshy birden óziniń isin moıyndaǵanymen, esirtkimen jabdyqtaýshylardy atamady. Degenimen, nashanyń kelý arnasyn tergeý barysynda anyqtaıtyn bolamyz», deıdi Almaty ІІB esirtkimen kúres basqarmasy bastyǵynyń orynbasary, polkovnık Ermurat Іzǵuttıev.
Belgili bolǵandaı, esirtkige táýeldiler arasynda óz klıentteri bar ol buryn jaýapty qylmysqa tartylmaǵan. Eki jyl buryn tokar mamandyǵyn alyp, Almatyǵa jumysqa ornalasqan.
«Biz onyń buryn qurylsta birge istegen ujymyna suraý salǵan edik. Olardyń barlyǵy jaqsy minezdeme berip, onyń bes jyldan beri esirtki tutynatynyna tańdanyspen qarady. Degenimen, ol jaýapqa tartylady», dep atap ótti Ermurat Іzǵuttıev.
