Almatyda esirtki saýdagerine aınalǵan burynǵy baýkespe ustaldy
ALMATY. 23 qarasha. QazAqparat /Erlik Erjanuly/ - Almatyda esirtki saýdageri ustaldy. Adam tonaǵany úshin 3 jyl túrmede otyryp, jaqynda ǵana jazasyn ótep shyqqan 36 jasar kelinshek ózin jańa kásipte synap kórmek bolǵan.
«Natalıa esimdi bul azamatsha birneshe aı boıy esirtki taratýmen aınalysyp kelgen. Biz ony 300 gramnan astam gashıshti ótkizý kezinde qolǵa túsirdik. Qazir onyń ústinen QR Qylmystyq kodeksiniń 259 baby boıynsha qylmystyq is qozǵaldy», - deıdi Almaty qalalyq Іshki ister departamentiniń Esirtki bıznesine qarsy kúres basqarmasynyń bastyǵy, polıtsııa podpolkovnıgi Denıs Loskýtov. Onyń aıtýynsha, Jambyl oblysynda ómirge kelgen ol temir tordyń arǵy jaǵynda otyryp shyqsa da, odan esh sabaq almaǵan. Teergeýshiniń suraqtaryna sabyrly jaýap bergen burynǵy baýkespe óziniń bul qylmysyna da esh ókinish bildirmeıdi. Buǵan deıin Almatyda qurbysynyń úıinde turyp kelgen ol ózi de esirtki tutynǵandyqtan, nápaqasyn qylmystyq jolmen taýyp otyrǵany anyqtalyp otyr.
