Almatyda esirtki satyp júrgender quryqtaldy
ALMATY. Qazannyń 19-y. QazAqparat /Názıra Eleýhan/ - Almaty polıtseıleri qalada turaqty esirtki joldary bolǵan birneshe arnalardyń jolyn japty.
Operatsııa keshke keshkisin qala ortalyǵynda boldy. 32 jastaǵy Almat esimdi turǵyndy uzaq ýaqyt boıy polıtsııa qyzmetkerleri nazarda ustaǵan. Ol bir emes, birneshe ret krımınaldy ortada esirtki tabýshy men jetkizýshi retinde nazarǵa ilikken.
"Biz ony uzaq baqyladyq. Ol taýardy satyp jatqan jerinde ustaldy. Tekserý barysynda kóliginen úlken sporttyq sómke tabyldy. Onyń ishine 15 keli marıhýana jasyrylǵandyǵy anyqtaldy. Al onyń áriptesi búgin tań ata Medeý aýdanynda ustaldy. Ol kóp jyldan beri esirtkini tutynǵan 26 jastaǵy Igor esimdi azamat bolyp shyqty", - dedi Almaty qalasy ІІD-niń esirtki bıznesimen kúres basqarmasynyń bastyǵy, polıtsııa maıory Denıs Loskýtov.
Onyń aıtýynsha, eki jaǵdaıda da taýarlar Shýdan ákelingen. "Toptyń basqa músheleri osynyń aldyndaǵy operatsııa barysynda qolǵa tústi. Ustalǵan esirtki satýshylardyń barlyǵy tájirıbeleri kóp, turaqty satyp alýshylary bar adamdar. Sondyqtan biz olardyń barlyq týǵan-týystaryna, jaqyn dostaryna tekserý júrgizemiz", - dedi Denıs Loskýtov.
Jyl basynan beri Almaty polıtseıleri 600 esirtki qylmysyn anyqtap, zańsyz aınalymnan 262 keli esirtki zattaryn tárkilegen.
