Almatyda esirtki satýshy Ózbekstan azamaty ustaldy

Qalalyq ishki ister departamentiniń baspasóz qyzmetiniń habarlaýynsha, ustalǵan kezde satý úshin arnaıy qaltalarǵa salynǵan 355 gramnan astam aıǵaqtyq gashısh tabylǵan.

"Almatyǵa 2 jyl buryn kelgen Rahym esimdi bul azamat qala bazarlarynyń birinde jemis satyp kelgen. Esirtkige táýeldi bolǵanyna 10 jylǵa jýyqtap qalǵan ol gashısh qoldanyp kelgen. Sol sebepti qolǵa túsken kezde esirtkini taýyp aldym jáne ony paıdalaný úshin ózime qaldyrdym dep aqtalýǵa tyrysty. Bizdiń málimetter boıynsha ol tek tutynýshy ǵana emes ony ózgelerge ótkizýshi de. Bul tergeý kezinde anyqtalatyn bolady", - deıdi ІІD Esirtki bıznesine qarsy kúres basqarmasynyń bastyǵy, polıtsııa podpolkovnıgi Denıs Loskýtov. Onyń aıtýynsha, polıtsııa qyzmetkerleri jyl basynan beri Almatyda esirtkige baılanysty 400-ge qylmysty anyqtady.