Almatyda esirtki satýshy áıel qolǵa tústi - QR ІІM
ASTANA. 18 mamyr. QazAqparat /Jasulan Amanbaıuly/ - Almatyda esirtki satýshy azamatsha qolǵa tústi.
Bul týraly búgin brıfıng barysynda QR ІІM-niń Memlekettik til saıasaty jáne aqparat departamenti bastyǵynyń orynbasary Qalamqas Temirova málim etti.
Vedomstvo ókiliniń aıtýynsha, Almatynyń polıtsııa qyzmetkerleri 26 jastaǵy áıel adamdy arnaıy is-shara barysynda óz úıinde 2,5 gramm geroındy satyp jatqan jerinde ustaǵan. Qazir ol ýaqytsha ustaý abaqtysyna qamaýǵa alyndy.
Q. Temirovanyń atap ótkenindeı, tintý kezinde onyń úıinen 4 kılogramnan asa geroın tabylyp, tárkilengen. Esirtki satý faktisi boıynsha qylmystyq is qozǵalyp, tergeý amaldary júrgizilýde.
