Almatyda esirtki paıdalanyp reıske shyqqan ushqysh sottaldy
Túrksib aýdandyq soty «Eır Astana» áýe kompanııasynyń ushqyshy Roman Bykovty QR 286-babynyń 1-bólimimen, 296-babynyń 2-bólimimen, 358-babynyń 1-bólimimen qarastyrylǵan qylmystyq áreketi úshin aıypty dep taýyp, 2 jyl 6 aıǵa bas bostandyǵynan aıyrý týraly sheshim shyǵardy. Bul týraly qalalyq sottyń baspasóz qyzmeti habarlady.
Sondaı-aq, oǵan áýe kóligin basqarýǵa 2 jylǵa tyıym salyndy.
Іs materıaldaryna sáıkes, 2016 jyldyń aqpanynda sottalýshy belgisiz adamnan keptirilgen marıhýana satyp alǵan.
1 naýryzda kedendik baqylaýdan ótken soń «Almaty-Máskeý» baǵytyndaǵy reısti basqaryp, keptirilgen esirtkini ózimen birge tasymaldap alyp kelgen.
2 naýryzda esirtkige mas kúıde Almaty áýejaıyna kelip qonǵan.
Reısten kelgen soń Almaty qalalyq Memlekettik kiris departamentiniń ekonomıkalyq tergeý qyzmetiniń ókilderi áýejaıda ushqyshty ustady.
Júrgizilgen medıtsınalyq saraptama onyń qanynda esirtki zatynyń baryn anyqtaǵan.
