Almatyda esirtki men alkogolızm profılaktıkalarynyń semınar-trenıngi ótti
ALMATY. Qazannyń 15-i. QazAqparat /Erbol Turymbetov/ - Búgin Almaty qalalyq salaýatty ómir saltyn qalyptastyrý ortalyǵynda «El keleshegi - salaýatty ómir salty» taqyrybynda semınar-trenıng ótti.
Jıyndy atalmysh ortalyq Almaty qalasy jastar saıasatyn damytý memlekettik qory jáne «Jastardyń shyǵarmashylyq bastamalaryn qoldaý ortalyǵy» Qoǵamdyq qorymen birlese uıymdastyrdy. Sharanyń maqsaty salaýatty ómir saltyn qamtamasyz etý mádenıetin qalyptastyrý, jastardyń densaýlyǵyn saqtaý men nyǵaıtý sharalary jıyntyǵyn jasaýǵa baǵyttalǵan.
Basqosýǵa Almaty qalalyq Densaýlyq saqtaý basqarmasy men ÚEU ókilderi, joǵary jáne orta arnaıy oqý oryndary stýdentteri men Almaty qalalyq demalys ortalyqtarynyń jetekshileri qatysty.Semınar barysynda esirtki, alkogolızm jáne shylym shegý profıdaktıkalary boıynsha talqylaýlar boldy.
«Qalalyq narkologııalyq ortalyqtyń áleýmettik-medıtsınalyq korrektsııa bazasynda alkogolge táýeldiler úshin qalypty jaǵdaıǵa keltirý bólimi qyzmet etýde. Onda 2010 jyly 9 aı ishinde 18261 adam ambýlatorııalyq em qabyldady. Onyń ishinde 900-i jasóspirim. 2320-sy statsıonarlyq em qabyldasa, jasóspirimderi - 50. Jáı kelýshiler 104 998 adamdy qurasa, olardyń 21 920-sy jasóspirimder boldy», - deıdi ortalyq dırektory Gúlsara Súleımenova.
Sondaı-aq Almaty qalalyq ІІD esirtki bıznesimen kúres basqarmasynyń aǵa ınspektory Erbol Ábdiráshev jáne Almaty qalasy Bostandyq aýdany prokýrorynyń orynbasary Aıdar Sıbogatov jáne basqalar baıandama jasady.
