Almatyda esirtki máselesine baılanysty jýrnalısterge arnalǵan trenıng ótip jatyr
ALMATY. Maýsymnyń 10-y. QazAqparat /Názıra Eleýhan/ - Almatyda qalalyq salaýatty ómir saltyn qalyptastyrý ortalyǵynda «BAQ-ǵy esirtki bıznesi, esirtkige elikteýshilik,
AQTQ (VICh) jáne JQTB (SPID) máselelerin taratý» atty taqyrypta jýrnalısterge arnalǵan trenıng ótip jatyr.
Atalmysh sharaǵa BAQ ókilderimen qatar, qalalyq áleýmettik medıtsınalyq saýyqtyrý ortalyǵynyń, esirtki bıznesimen kúres basqarmasynyń ókilderi qatysýda.
«Bul - bizdiń aımaq úshin óte ózekti máselelerdiń biri. Osy problemalardy taratý, turǵyndarǵa habar etý, jalǵan aqparattardy seıiltýde, qoǵamnyń tózimdiligin qalyptastyrýda, sonymen qatar, AQTQ- dertine úshyraǵandarǵa baılanysty stıgmatızatsııa men oqshaýlaýdyń túbirin joıýda, sondaı-aq VICh ınfektsııasyn aýyzdyqtaýda BAQ-tyń yqpaly men atqarar róli úlken. Óıtkeni, ár túrli áleýmettik zertteýlerdiń ózi osy taqyryptardaǵy aqparattardyń 90 paıyzyn halyq BAQ-dan alatyndyǵyn kórsetip otyr. Búgingi trenıngte jýrnalıster qosymsha bilim alyp qana qoımaı, qabiletterin arttyra túsedi degen oıdamyn», dedi atalmysh trenıngti ótkizip jatqan medıa-jattyqtyrýshy Marına Maksımova.
Salaýatty ómir saltyn qalyptastyrý ortalyǵynyń dırektory Gúlsara Súleımenovanyń aıtýynsha, ortalyq kúnine 2-3 dáris oqysa da, bir jarym mıllıon halqy bar búkil qalany qamtý múmkin emes, sondyqtan aqparat taratýda BAQ-ǵa júginýge týra keledi.
Ol sonymen qatar, bıylǵy jyly osy taqyryptar boıynsha, kóptegen semınarlar men aktsııalar, sonymen qatar jastarmen kezdesýler, sherýler uıymdastyrylatyndyǵyn, sondaı-aq Almatyda metadondy baǵdarlama jumys isteı bastaıtyndyǵyn jetkizdi.
