Almatyda esirtki daıyndaýmen aınalysqan úsh adam ustaldy
Polıtsııa málimetinshe, bas aıyptalýshynyń kóligin tártip saqshylary Jandosov kóshesinde toqtatty. 30 jastaǵy E.esimdi azamattyń kóliginen erekshe ıisi bar krıstaldanǵan zat salynǵan sómke tabyldy.
«Ustalǵan azamat ózinen tárkilengen zat mefedron esirtki ekenin moıyndady. Er adamnyń aıtýynsha, ol bul shópti dostarymen birge sıntetıkalyq esirtki óndirý úshin uıymdastyrǵan ýaqytsha zerthanada jasaǵan. Zerthana Almaty oblysy, Іle aýdany aýmaǵyndaǵy jaldamaly úıde ornalasqan. Ǵımaratty tintý kezinde zerthanalyq qural-jabdyqtar, shıkizat pen satýǵa daıyn ónimder tabyldy jáne tárkilendi», – dedi Almaty qalalyq polıtsııa departamenti bastyǵynyń orynbasary Dıdar Ahanov.
Aıtýynsha, «óndirýshiler» esirtkini ózderi taratqan – olar betbelgiler jasaǵan.
«Aıtpaqshy, taǵy eki kúdikti – 28 jastaǵy M.esimdi azamat pen 29 jastaǵy S.esimdi azamat esirtki qylmysyna qarsy kúres basqarmasy men polıtsııanyń arnaıy jasaqtarynyń qyzmetkerleri jasaǵan arnaıy is-shara kezinde qolǵa tústi», – dedi ol.
Polıtsııa ókiliniń sózinshe, Qylmystyq isti QR QK-niń 297-baby boıynsha Bostandyq aýdandyq PB-ǵa qarasty polıtsııa bólimi tergep jatyr.
«Sot-hımııalyq saraptama taǵaıyndady. QR QPK-niń 201-babyna sáıkes ózge aqparattar tergeý múddesine oraı jarııalaýǵa jatpaıdy. Kúdiktiler qamaýǵa alyndy»,- dedi spıker.
