Almatyda eshkim úı-úıdi aralap, halyq sanaǵyn júrgizbegen - polıtsııa
ALMATY. QazAqparat – Almatyda halyq sanaǵyna qatysty alaıaqtyq týraly aqparat jalǵan. Bul jóninde Almaty qalalyq PD baspasóz qyzmeti málimdedi, dep habarlaıdy QazAqparat tilshisi.
Almaty qalalyq PD baspasóz qyzmetiniń habarlaýynsha, megopolıste halyq sanaǵyna qatysty alaıaqtyq faktisi tirkelgen joq.
«Almatyda belgisiz adamdar úılerdi aralap halyq sanaǵyn júrgizip júr degen aqparat shyndyqqa janaspaıdy. Sonymen qatar, azamattar tarapynan da shaǵym túsken joq. Ártúrli messendjerler arqyly tarap jatqan mundaı maǵynadaǵy aqparatqa senýdiń qajeti joq. Osyǵan baılanysty biz azamattardy tek memlekettik organdardan kelip túsken habarlamalardy nazarǵa alýǵa jáne kúmándi derekkózder taratqan aqparatty ary qaraı taratpaýǵa shaqyramyz. Onyń saldarynan turǵyndar arasynda negizsiz dúrbeleń týyndaýy múmkin«, – deıdi qalalyq polıtsııa.
