Almatyda Esentaı ózeniniń arnasy tazartylyp jatyr
ALMATY. QazAqparat - Jyl saıyn kóktemgi sý tasqynynan keıin Esentaı ózeniniń arnasyn balshyq, shógindi, tas jáne qoqystardan tazartý jumystary júrgiziledi, dep habarlaıdy QazAqparat tilshisi Almaty TJD baspasóz qyzmetine silteme jasap.
Bıyl Esentaı ózeniniń betondy kanalyn tazartý jumystary 4 sáýir kúni Esentaı sýqabyldaǵyshynan ál-Farabı dańǵylyna deıingi aralyqta bastaldy. Tazalaý jumystaryna «Kazselezaşıta» MM-inen 8 arnaıy tehnıka men 10 adam jumyldyryldy.
Tazalaý jumystary 12 sáýirge deıin aıaqtalady dep josparlanyp otyr.
Esentaı ózeniniń arnasyn tazalaý jumystarynyń ekinshi kezeńi maýsym aıynyń basynda ál-Farabı dańǵylynan Sátbaev kóshesine deıingi aralyqta júrgiziledi dep josparlanýda. Tazalaý jumystarynyń qarjylandyrý respýblıkalyq bıýdjetten qarastyrylǵan.
Avtor: Danııar Daýtalıev
