Almatyda Esentai Mall jańa saýda ortalyǵy ashyldy
ALMATY. 20 qazan. QazAqparat - Almatyda Esentai Mall jańa saýda ortalyǵynyń saltanatty ashylýy ótti, oǵan qala ákimi Ahmetjan Esimov qatysty.
Ol sońǵy jyldary ońtústik astananyń turǵyndary men qonaqtarynyń jaılylyǵy úshin salynyp jatqan saýda-oıyn-saýyq ortalyqtary, turǵyn úı keshenderi jáne basqa da ınfraqurylym nysandarynyń arqasynda megapolıs zamanaýı sıpatqa ıe bolyp jatqanyn atap ótti.
Jańa nysan alty saýda qabatynan jáne úsh qabatty parkıngten turady. Kommertsııalyq aýdany 52 000 sharshy metrdi quraıdy. Esentai Mall - «lıýks» jáne «premıým» klasyndaǵy taýarlar men orta sanattyń negizgi brendteri úılesim tapqan Qazaqstandaǵy jalǵyz joba. Saýda úıinde túrli sanattardaǵy 160 álemdik brendter usynylady, bul rette markalardyń kóptegen bóligi Ortalyq Azııa aımaǵynda alǵash ret usynylady.
Saýda ortalyǵyna kún saıyn ortasha alǵanda 15 myńnan 20 myńǵa deıin satyp alýshylar keledi dep kútilýde.
