Almatyda Esentai Mall-dan adamdar evakýatsııalanýda
ALMATY. QazAqparat - Almatynyń jedel áreket etý qyzmetteri Esentai Mall saýda ortalyǵyn tekserip jatyr, dep habarlaıdy QazAqparat tilshisi.
«Qazirgi kezde qalanyń jedel qyzmetteriniń qyzmetkerleri Esentaı saýda ortalyǵynda tekseris júrgizýde. Ol jerge bomba qoıylǵany týraly habar kelgen. Eń aldymen ortalyq jumysshylary men kelýshiler evakýatsııalandy. Buǵan deıin Almatynyń Medeý aýdanynda ornalasqan qonaqúı kesheni men pıtstserııa jelisinde osyndaı sharalar júrgizilgen bolatyn», - dedi Polıtsııa departamentiniń resmı ókili Saltanat Ázirbek.
Almaty polıtsııa departamenti barynsha qaýipsizdikti qamtamasyz etý maqsatynda azamattardy túsinistikpen qaraýǵa, qajet bolǵanda, arnaıy qyzmetter ókilderine kómektesýge shaqyrýda.
