Almatyda erteń general Baǵdat Maıkeevtiń soty jabyq rejimde ótedi
ALMATY. QazAqparat - Almatyda erteń QR Qorǵanys mınıstriniń burynǵy orynbasary, general Baǵdat Maıkeevtiń isi boıynsha kezekti aldyn ala sot tyńdaýy ótedi.
Sot otyrysy tańerteńgi saǵat 10.00-de qylmystyq ister jónindegi mamandandyrylǵan aýdanaralyq áskerı sotta jabyq rejimde ótedi.
Aıta keterligi, generaldan basqa taǵy da úsh adam - A.Spıtsyn, A.Qaıyrbaev, P.Tıtorenko QR QK 312 babynyń 5 tarmaǵy: «Memlekettik fýnktsııalardy atqarýǵa ýákiletti adamǵa ne oǵan teńestirilgen adamǵa tikeleı nemese deldal arqyly para berý, laýazymdy adamǵa para berý, sol sııaqty kórineý zańsyz is-áreket (áreketsizdik) jasaǵany úshin para berý, jaýapty memlekettik laýazym atqaratyn adamǵa para berý» boıynsha aıyptalyp otyr.
«Qazir iske qatysatyn quram ózgerip jatyr. Erteń aıyptalýshylardy jańa advokattar qorǵaıtyn bolady. Olar qazir osy ispen tanysýda», - dep habarlady QR áskerı sotynyń baspasóz qyzmetinen.
Esterińizge sala keteıik, general Baǵdat Maıkeevti 9 aqpanda Astanada UQK qyzmetkerleri ustaǵan bolatyn. Ol asa iri kólemde para aldy dep aıyptalýda.
