Almatyda erteń «Altyn Júrek 2015» syılyǵynyń laýreattary belgili bolady

ASTANA. QazAqparat - 27 qazan kúni Abaı atyndaǵy opera jáne balet teatrynda ótetin elimizdegi alǵashqy IX jyl saıynǵy qaıyrymdylyq syılyǵynyń saltanatty túrde marapattaý rásimi ótedi. Bul týraly «Baýyrjan» qaıyrymdylyq qorynyń baspasóz qyzmeti habarlady.

Onda Qazaqstannyń qaıyrymdylyq salasyndaǵy alǵashqy bedeldi «Altyn Júrek 2015» syılyǵynyń laýreattary belgili bolady.

Qaıyrymdylyq syılyǵynyń marapattaý rásimi Almaty qalasynyń ákimi Baýyrjan Baıbektiń qatysýymen ótedi.

Sharany «Baýyrjan» qaıyrymdylyq qory «Nur Otan» partııasynyń qoldaýmen uıymdastyrady. Bul keshke «Altyn Qyran» kompanııalar toby men «ForteBank» AQ áriptes bolyp otyr.

Bıylǵy jyly «DOM» qaıyrymdylyq qorynyń usynýymen Qazaqstan Prezıdenti Nursultan Nazarbaev syılyqtyń «Jyldyń qaıyrymdy adamy» atalymy boıynsha qatysýda. Ózge de atalym ıeleri qatarynda alǵashqy balalar hospısin uıymdastyrýshy Nagıma Plohıh, KTK telearnasynyń «Doroga Domoı» jobasy, Samsung Central Asia kompanııasy, 11 balanyń ákesi Murat Qabylbaev, «Rodına» agrofırmasy, Qazaqstandaǵy alǵashqy Training Cafe uıymdastyrýshysy Anna Qudııarova jáne de sheteldik azamat, Taraz qalasynda jetimderge baspana ashqan Vıktorııa Sharbone, taǵy da basqalary bar.

Turkvision-2014 baıqaýynyń jeńimpazy Janar Doǵalovanyń ásem daýysymen shyrqalǵan ánimen kesh saltanatty túrde ashylyp, qazaqstandyq estrada juldyzdarynyń qatysýymen ótedi. Kesh qonaqtary qatarynda dombyrashy Asylbek Eńsepov, QR halyq ártisi Nurjamal Úsenbaeva, skrıpkashy Jámılá Serkebaeva, MEZZO toby jáne basqalar óner kórsetedi.

Sonymen qatar kelýshilerge arnaıy sońǵy jyldaǵy meıirimdi jáne qaıyrymdy istermen tanystyratyn «100 qaıyrymdy is» atty fotokormesi uıymdastyrylady.

. «Altyn Júrek» - bul Ortalyq Azııadaǵy jáne qazaqstandyq qaıyrymdylyq salasyndaǵy alǵashqy jáne qazirgi birden-bir bedeldi syılyq bolyp tabylady. Syılyq uıymdastyrýshylary «Baýyrjan» qaıyrymdylyq qory jyl boıyna respýblıka boıynsha «Qazaqstannyń Altyn Júregi» atanýǵa laıyq qaıyrymdy jandardy izdestirdi.

Syılyqtyń uıymdastyrý komıtetiniń bergen málimetterine súıensek, 2015 jyly respýblıkada jalpy 12 mıllıard teńge kóleminde qaıyrymdylyq júzege asyrylǵan. Qazaqstandaǵy qaıyrymdy adamdar men eriktilerdiń kómegimen 6 sporttyq mektep, 5 balabaqsha salynyp, 5 jalpy bilim beretin mektepke, 4 múgedek balalarǵa arnalǵan balabaqshaǵa, jaǵdaıy tómen otbasynyń balalaryna arnalǵan 2 lagerǵa jóndeý jumystary júrgizildi, 8 kompıýterlik synyp pen 5 emhana qural-jabdyqtar men qamtyldy, jaǵdaıy nashar otbasynan shyqqan 1000 bala oqýǵa daıyndaldy, UOS 25 ardageriniń páterlerine jóndeý jumystary júrgizildi jáne Almatynyń sel bolǵan aımaqtaryna 7 kún boıyna ashanalarda eriktiler 5 myńdaı adamdy kúnine eki ýaqyt tamaqtandyrdy.