Almatyda «Ertegilik syılyqtar-2014» jańajyldyq jármeńkesi bastaldy
ALMATY. QazAqparat - Ortalyq kórme zalynda «Ertegilik syılyqtar-2014» jańajyldyq jármeńkesi bastaldy, dep habarlady uıymdastyrýshylar.
Jármeńkege kompanııalar men ártúrli stıldik baǵyttardyń sheberleri qatysýda. Kelýshilerge úı-ishilik zattar jáne jańajyldyq kádesyılar, otshashýlar jáne oıynshyqtar, parfıýmerııa, kosmetıka, sándik buıymdar, bal jáne tátti taǵamdar usynylýda. Bir sózben aıtqanda, kez kelgen tańsyq zattardy qaltańa qaraı alýyńa bolady.
Sonymen birge, jármeńke qonaqtary tanymal sheberlermen kezdesip, oqý kýrstaryna jáne sheberlik sabaqtaryna jazyla alady. Barlyq kelýshilerdi Aıaz Ata qarsylaıdy. Kirý - tegin.
Jańajyldyq syılyqtar jármeńkesi 30 jeltoqsanda aıaqtalady.
