Almatyda erli-zaıyptylar páterde marıhýana ósirgen

ALMATY. QazAqparat – Almatyda erli-zaıyptylar qalanyń tómengi bóliginde ornalasqan «Altaı» yqshamaýdanyndaǵy páterinde úı ósimdikterimen qatar, qarasoranyń esirtki túrin de ósirgen. QazAqparat bul týraly Polisia.kz saıtyna silteme jasap habarlaıdy.

Úı ıesiniń aıtýynsha, ol marıhýanany ózi tutynýy úshin ósirgen. Biraq saraptama onyń aǵzasynan esirtkige sáıkes zattardyń baryn kórsetpegen. Alaıda onymen birge turatyn 52 jastaǵy áıelinen anyqtalǵan.

«Esirtki qoldanǵany úshin oǵan QR QK 296-baby boıynsha qylmystyq is qozǵaldy. Sonymen qatar, er adamǵa qatysty úı ıesi bolǵandyqtan QR QK-niń 300-babymen (ósirýge tyıym salynǵan, quramynda esirtki zattary bar ósimdikterdi zańsyz ósirý) qylmystyq is qozǵaldy. Kúdiktilerdiń úıinen tek qumyrada ósetin segiz qarasora tabyldy. Barlyq zattaı aıǵaqtar tárkilenip, tıisti saraptamaǵa tapsyryldy. Ekeýinde de turaqty jumysy joq. Áıel buryn asa aýyr qylmysy úshin sottalǵan. Qazirgi ýaqytta qylmystyq zańnamany buzýdyń barlyq faktileri boıynsha sotqa deıingi tergeý amaldary júrgizilip jatyr», – dedi Túrksib aýdandyq PB janyndaǵy polıtsııa bóliminiń basshysy Erlan Aıanbaev.