Almatyda erli-zaıypty jańa týǵan sábıin 2 mln teńgege satpaq boldy
Saıttaǵy málimetterge qaraǵanda, Almaly aýdanynda arnaıy is-sharany uıymdasqan qylmysqa qarsy kúres basqarmasynyń jedel ýákilderi men polıtsııanyń arnaıy jasaǵy birlesip júrgizdi.
Sharany Almaty qalasynyń prokýratýrasy úılestirdi.
– 1998 jyly týǵan B. esimdi áıel men onyń kúıeýi 1991 jyly týǵan B. esimdi azamat ustaldy. Birneshe saǵat buryn áıel perzenthanadan shyqqan. Shyǵa salasymen olar náresteni 2 mln teńgege baǵalap, satpaq bolǵan. Aıta ketý kerek, erli-zaıypty bala dúnıege kelmeı turyp, «áleýetti ata-anany» aldyn ala izdegen. Jańa týǵan náresteni satýdan túsken aqsha aıyptalýshylardy ustaý kezinde tárkilendi. Іs sotqa deıingi tergeýdiń biryńǵaı tiziliminde QR QK-niń 135 baby 2 bóligi (Kámeletke tolmaǵandar saýdasy) boıynsha tirkelgen qylmystyq is materıaldaryna qosyldy. Qylmystyq is aıasynda jedel-tergeý sharalary júrgizilip jatyr», – dedi, Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.
«Bul erli-zaıyptylardyń eki balasy bar ekendigi anyqtaldy. Olar aýyr qylmys boıynsha óz kinálaryn tolyqtaı moıyndady»,-delingen habarlamada.
Foto: polisia.kz