Almatyda «erkin» jýrnalıstıkanyń erekshelikteri talqylanýda
ALMATY. Sáýirdiń 28-i. QazAqparat /Erlik Erjanuly/ - Biz ashyqtyqty, senimdi, tózimdilikti jáne suhbatty qalaımyz. Bul búgin Almatyda ótip jatqan IH Eýrazııalyq medıa forýmda aıtyldy,
dep habarlaıdy QazAqparat.
«Áleýmettik jelilerdiń damý fenomeni jáne «erkin» jýrnalıstıkanyń erekshelikteri» degen taqyryppen ótken bul májilisti Álemdik ekonomıkalyq forým atqarýshy tóraǵasynyń aǵa keńesshisi Krıstına Falkone (AQSh) moderatorlyq jasady. Kóptegen belgilerge qaraǵanda, jýrnalıstıka tek osy mamandyqtyń ıelerine ǵana tıesili emes. Internet jáne sondaǵy damyǵan BAQ «erkin» quraldary óndirýshiler men tutynýshylardyń dástúrli júıesin buzýda. Sondyqtan bul jıynda - Jańalyq taratýshy mekemeler men jýrnalıster qoldanystaǵy jeliniń áleýetine qalaı beıimdeledi? Jańalyq taratýshy mekemelerge jelide qandaı jańa bıznes-úlgi men tabys kózine qol jetkize alady? Jýrnalıstıka paradıgmasynyń órkendeýindegi erekshelikke retteýshiler qalaı qaraýy tıis degen sııaqty túrli máseleler jan-jaqty talqylanbaq. Oǵan negizgi pikirsaıysshy retinde Eýropalyq jýrnalıstıka ortalyǵynyń dırektory Ýılfrıd Rýtten (Nıderland), «Doıche velle» telekompanııasy marketıng jáne dıstrıbýtsııa, strategııa bóliminiń dırektory Gvıdo Baýmhaýer (Germanııa), «NowPublic» prezıdenti jáne negizign qalaýshy Maıkl Tıppet (Kanada) jáne pákistandyq táýelsiz jýrnalıst Naýın Nakýı qatysýda.
