Almatyda eriktiler muqtaj jandarǵa azyq-túlik sebetin úlestirip jatyr

ALMATY. QazAqparat - Almatylyq eriktiler qalanyń muqtaj turǵyndaryna qajetti azyq-túlik sebetin tegin jetkizip jatyr, dep habarlaıdy QazAqparat tilshisi.

« Búgin Alataý aýdanynyń 600 turǵyny azyq-túlik sebetin alady. Bizge muqtaj jandardyń tizimin ákimdik berdi. Sómkelerdi toltyrý qazir Alataý ákimdiginiń ǵımaratynda júrgizilýde. Bul jumysqa ár túrli uıymdardan 60 volonter jumyldyryldy. Sondaı-aq kásipkerler, qamqor azamattar jáne kópbalaly jáne az qamtylǵan otbasylarǵa arnalǵan «Baqytty otbasy» áleýmettik ortalyǵy da qoldaý kórsetýde, - deıdi HAQ qoǵamdyq qozǵalysynyń jetekshisi Toǵjan Qojalıeva.

Azyq-túlik sebetine: kúnbaǵys maıy, kespe, kúrish, un, jemis- jıdek, kókónister – kartop, sábiz, alma kiredi.

Aıta keteıik, búgin almatylyq 150-den astam erikti órtten keıin qala ákimdiginiń ǵımaratyn tazalaýǵa kómektesti.

Sondaı-aq olar jappaı tártipsizdik kezinde iz-túzsiz joǵalyp ketken 48 adamdy tapty.