Almatyda erikti halyq jasaqtary qurylýda
ALMATY. QazAqparat - Qoǵamdyq tártipti qamtamasyz etýde jáne ár túrli quqyq buzýshylyqtardyń aldyn alýda kóp bolyp jumylǵannyń alar orny erekshe.
Bul jóninde Almatyda ótken polıtsııa qyzmetin baqylaý boıynsha qoǵamdyq Keńestiń kezekti otyrysynda qalalyq ІІD bastyǵy Serik Kúdebaev málim etti, dep habarlaıdy atalmysh vedomstvonyń baspasóz qyzmeti.
«Erikti halyq jasaqtaryn qaıta jandandyrý - tıimdi shara. Polıtsııa qyzmetkerleri qoǵamdyq kómekshilermen birlese qala kóshelerin qadaǵalaıdy, al arnaıy stýdenttik otrıadtardyń kúshimen jastar arasynda quqyq buzýshylyq áreketterdiń aldyn alý sharalary júrgiziledi» - dedi S. Kúdebaev.
Qoǵamdyq Keńestiń músheleri osyndaı qoǵamdyq qurylymdardyń jumystaryn jaqsartý boıynsha usynystar engizdi. Barlyq kelip túsken materıaldar endi Іshki ister departamentinde saraptalyp, qajet bolyp jatsa is júzinde júzege asyrylatyn bolady.
«Qoǵamdyq tártip pen azamattardyń qaýipsizdigin qamtamasyz etý - polıtsııa qyzmetiniń negizgi baǵyty. Basqa elderdiń tájirıbelerine súıensek, qoǵamda operatıvtik ahýaldy turaqtandyrýda polıtsııa men turǵyndardyń ózara tyǵyz qarym-qatynasy úlken rol atqarady. Sondyqtan quqyq qorǵaýǵa baǵyttalǵan qoǵamdyq qurylymdardy damytýǵa arnalǵan aımaqtyq baǵdarlamany ázirleý qajet» - dedi óz sózinde qoǵamdyq Keńestiń tóraǵasy Bolat Baekenov.
Esterińizge sala keteıik, qoǵamdyq Keńes bıyl osymen ekinshi ret uıymdastyrylyp otyr. Al ótken kezdesýde kókeıkesti máseleler boıynsha birqatar usynystar engizilgen bolatyn.
