Almatyda erikti halyq jasaqtary qaıta túleýde

ALMATY.  7 qańtar. QazAqparat /Názıra Eleýhan/ - Almatyda erikti halyq jasaqtary qaıta túleýde.

Almatyda erikti halyq jasaqtary qaıta túleýde

Jaqynda Almaty qalalyq ІІD-nen 50 stýdent pen T.Rysqulov atyndaǵy Qazaq ekonomıkalyq ýnıversıtetiniń qaýipsizdik qyzmetkerleri arnaıy oqytý kýrstarynan ótip jáne emtıhan tapsyryp «Qoǵamdyq polıtsııa kómekshileri» kýáligin  aldy. Oqytý baǵdarlamasyna - qoǵamdyq tártipti qorǵaý boıynsha zańnamany bilý men  ózin-ózi qorǵaý boıynsha praktıkalyq sabaqtar kirdi.

Qazirgi ýaqytta polıtsııa kómekshisi bolýǵa QazEÝ-niń 80 stýdenti daıyndalýda. Jyl saıyn Almatyda erikti halyq jasaqtary qataryna  120 adamdy daıyndaý kózdelýde. Ondaı sharalar men polıtsııa qyzmetkerlerimen birlese jumys isteý stýdent jastar arasyndaǵy tártipti arttyrýǵa, sondaı-aq qaladaǵy qoǵamdyq tártipti qamtamasyz etýge yqpal etpek.

Erikti halyq jasaqtary qyzmeti zańdy qatań ustanýǵa negizdelgen. Jasaqtar aldaǵy ýaqytta  ishimdik, buzaqylyq, urlyq, balalardyń qańǵybastyǵy syndy máselelermen kúresetin bolady.