Almatyda ereýilge shyqqan jumysshylarǵa jalaqy dúısenbige deıin beriletin boldy - Qurylys kompanııasy
ALMATY. QazAqparat - Almatyda búgin «Alataý Sıtı» turǵyn úı keshenin salyp jatqan «Aqtilek Qurylys Kompanııasy-2016» JShS qurylysshylary ereýilge shyqty. Narazylyq bildirgen jumysshylar Momyshuly kóshesin jaýyp tastady.
Olardyń aıtýynsha, jumys berýshiler naýryz, sáýir aılarynyń jalaqysyn áli bermegen.
Almaty qalalyq eńbek jáne kóshi-qon memlekettik ınspektsııasy habarlaǵandaı, nysannyń bas merdigeri «Exclusive Constraction» JShS sýbpodrıadty mekemege 65 mln. teńge aýdarýy tıis bolǵan. Alaıda, aqsha tólenbegendikten «Aqtilek Qurylys Kompanııasy-2016» JShS jumysshylarǵa bereshek bolyp qalǵan.
Basqarma qyzmetkerleri oqıǵa ornyna baryp, atalǵan kompanııa basshylarynan 22 mamyrǵa deıin bereshekti qaıtarý týraly kepildik hat aldy. Qurylys nysanynyń bas merdigeri jumysshylardyń jalaqysyn dúısenbige deıin aýdaramyz dep sendirdi.
