Almatyda eresekter arasynda temeki shegetinder sany sońǵy 5 jylda 3,3 paıyzǵa azaıǵan
ALMATY. 31 mamyr. QazAqparat - Búgin Dúnıejúzilik temeki tartýǵa qarsy kúres kúnine oraı 2 mamyrda bastalǵan temeki tartýdyń aldyn alýǵa arnalǵan aılyq sharasy aıaqtalady.
Dúnıejúzilik densaýlyq saqtaý uıymynyń málimetterine qaraǵanda, temeki shegýden týyndaıtyn dertterden jyl saıyn 5 mıllıon adam, al árbir 6 sekýnd saıyn 1 adamnan qaıtys bolady. Qazirgi kezde temekige baılanysty 25-ten asa aýrý túrleri belgili bolyp otyr. Onyń ishinde júrek-qan tamyrlary, qolqa-ókpe jáne onkologııalyq aýrýlar aldyńǵy orynda tur.
Respýblıkadaǵy temeki buıymdaryn tutyný statıstıkasy bul indettiń barlyq belgilerin kórsetip otyr. IV Ulttyq zertteýdiń derekterine súıensek, 12 jastan asqan turǵyndardyń 2 paıyzdan astamy nemese 4,2 mıllıon adam temeki shegedi. Sońǵy 15 jylda temeki buıymdaryn tutyný jan basyna shaqqanda 8 esege ósken. ıAǵnı árbir temeki shegýshi kúnine keminde 9 sıgaretten shegedi. Temeki indetiniń qurbandary erler arasynda 30-55 jastaǵy, áıelder arasynda 15-49 jastaǵy eńbekke qabiletti jastaǵy adamdar.
Almaty qalasynda eresekter arasynda temeki tartatyndardyń úlesi 2008 jyly 39,2-den 2011 jyly 25,9 paıyzǵa deıin azaıǵan. Al 18-24 jas aralyǵyndaǵy jastar men jasóspirimder arasynda ol 2007 jylǵy 25.3-ten byltyr 18.4 paıyzǵa kemigen.
