Almatyda «erekshe» balalarǵa medıtsınalyq kómek qalaı kórsetiledi
ALMATY. QazAqparat – Almaty qalasyndaǵy №36 qalalyq emhananyń pedıatr- dárigeri Maııa Shegebaeva «erekshe» balalarǵa medıtsınalyq kómek qalaı kórsetiletini týraly aıtyp berdi, dep habarlaıdy QazAqparat tilshisi.
Mamannyń aıtýynsha, múmkindigi shekteýli balalarǵa, medıtsınalyq kómektiń negizgi túrlerimen birge tegin medıtsınalyq kómektiń kepildendirilgen kólemi aıasynda kórsetiledi.
Olardyń arasynda: medıtsınalyq alǵashqy kómek, orta medıtsına qyzmetkerlerimen kórsetiletin dárigerge deıingi kómek, jalpy tájirıbeli dárigerlerimen, terapevttermen, pedırtlarmen kórsetiletin biliktilik kómegi, beıindi mamandarmen kórsetiletin mamandandyrylǵan kómek, joǵary tehnologııalyq medıtsınalyq qyzmetter jáne áleýmettik-medıtsınalyq kómek.
Elimizdegi balalar múgedektiligi kókeıtesti máseleniniń biri. Balalar múgedektiligine ákeletin aýrýshańdyq qurylymynda psıhıkalyq kúızelister júıke júıeleriniń aýrýy, damý aqaýlyǵy, zat almasýynyń buzylýymen baılanysty aýrýlar, bulshyqet-súıek júıesiniń aýrýy bar.
«Búgingi kúni emhanamyzda múmkinshiligi shekteýli 140 bala esepte tur, onyń ishinde, qımyl-tirek apparatynyń buzylýymen – 41%; onyń arasynda, arbamen júretin múgedekter – 9,9%; estý qabileti buzylǵandar – 6,5 %; kórý qabileti buzylǵan – 3,3%; psıhıkalyq buzylystarmen – 19%; basqa da patologııalar – 20,3%.Olardyń barlyǵy dıagnostıka hattamasyna sáıkes, únemi tıisti túrde emdelip tekseristen ótip otyrady. Dárigerdiń qabyldaýyna uıaly qoldanba arqyly jazylyp, al, eger shuǵyl jaǵdaı bolsa, onda qabyldaý kezinde kezekke turmaıdy, saǵattary men tipti mınýttary eseptelý sebepti, jazbasyz jáne kezeksiz qabyldanady»- dep túsindirdi dáriger.
Maııa Shegebaeva mundaı balalarǵa medıtsınalyq kómek pedıatr- dárigerlermen, sondaı-aq, ýchaskelik ustanym boıynsha jalpy tájirıbeli dárigerlermen, beıindi mamandarmen, kórsetkish anyqtalǵan kezde- úıge barý arqyly kórsetiletinin jetkizdi.
«Múmkindigi shekteýli balalardy saýyqtyrý úshin biz óz erkimizben alty aıda 1 ret qalalyq balalar ońaltý ortalyǵy (3-14 jastan), «Baldáýren», «Alaý» (jasyna qaraı) balalar shıpajaıy (7-14 jasta), kezinde Almaty qalasynyń №2 balalar shıpajaıy dep atalǵan balalardy erte ońaltý ortalyǵy (3-7,5 jasta), balalar sal aýrýymen aýratyndarǵa arnalǵan «ARDI» ońaltý ortalyǵynyń kúndizgi statsıonary, «Qulager» medıtsınalyq ortalyǵy, «Juldyzaı» balalar ońaltý ortalyǵy, qalanyń statsıonarlaryna, sonymen qatar, kvota boıynsha qoǵamdyq densaýlyq basqarmasy arqyly «Balbulaq» respýblıkalyq balalar ortalyǵyna, «Alataý» balalar klınıkalyq ortalyǵyna, Nur-Sultan qalasyndaǵy respýblıkalyq balalar ortalyǵy sekildi mekemelerge jiberemiz»,-deıdi Maııa Shegebaeva.
Dáriger sondaı-aq, eger balany jatqyzý úshin shuǵyl kórsetkishter oryn alsa, jedel razrıadymen qaralyp aýrýhanaǵa jatqyzylatynyn aıtty. Mundaı jaǵdaıda ata-analar jedel járdem kómegin shaqyrýlary tıis
