Almatyda erekshe balalardyń qatysýymen ulttyq ınklıýzıvti oıyndar ótedi
ALMATY. QazAqparat- Almatyda 310 erekshe balanyń qatysýymen «Juldyzaı» ulttyq ınklıýzıvti oıyndar ótedi, dep habarlaıdy QazAqparat tilshisi.
Qalalyq ákimdiktiń málimetinshe, «Juldyzaı» ulttyq ınklıýzıvti oıyndary Balýan Sholaq atyndaǵy sport saraıynda jáne Almaty qalasynyń ortalyq stadıonynda 26-30 qyrkúıek aralyǵynda sporttyń 6 túri boıynsha ótedi.
Onda shaǵyn fýtbol, ústel tennısi, jeńil atletıka, golbol, bochcha, bes tas jáne asyq atý ulttyq oıyndary qamtylady. Qatysýshylar sany - 310 bala.
«Juldyzaı» oıyndary Mádenıet jáne sport mınıstrliginiń 2022 jylǵy sporttyq-buqaralyq is-sharalardyń biryńǵaı kúntizbelik josparyna endi.
Oıyn jeńimpazdary halyqaralyq jarystarǵa qatysyp, sporttyq razrıadtar ala alady.
«Bıyldan bastap «Juldyzaı» ulttyq ınklıýzıvti oıyndaryna aınalǵan spartakıada elimizdegi erekshe bilim berý qajettilikteri bar 10-18 jas aralyǵyndaǵy balalar men jasóspirimder qatysatyn jalǵyz kásibı sporttyq jarystar bolyp tabylady»,- dep habarlady ákimdikten.
«Juldyzaı» korporatıvtik qory kóp jyldar boıy erekshe balalardyń ómirin jaqsartýǵa, shyǵarmashylyq jáne sporttyq qabiletterin damytýǵa baǵyttalǵan shyǵarmashylyq, sporttyq, medıtsınalyq jáne áleýmettik jobalardy júzege asyryp keledi.
