Almatyda «Er Tóstik» dep atalatyn anımatsııalyq fılmderdiń І qazaqstandyq festıvali bolady
ALMATY. 7 maýsym. QazAqparat /Erlik Erjanuly/ - Almatyda 13-15 maýsym kúnderi «Er Tóstik» dep atalatyn anımatsııalyq fılmderdiń І qazaqstandyq festıvali ótedi. Ony Sháken Aımanov atyndaǵy «Qazaqfılm» AQ-y uıymdastyryp otyr.
Festıval kezinde «Qazaqfılm» kınostýdııasy men «Tsezar» kınoteatrynda qazaqstandyq anımatsııalyq fılmderdiń kórsetilimi bolady. Baǵdarlamada sondaı-aq, «Qazaq anımatsııasynyń keleshegi men damýy» degen taqyrypta dóńgelek ústel jıyny jáne anımatsııa salasyndaǵy álemdik jetekshi mamandardyń biriniń sheberlik dáristeri de josparlanyp otyr.
