Almatyda er adamnan qarý-jaraq tárkilendi

ALMATY. QazAqparat- Almatyda dúken tonaǵandardy ustaý jumystary jalǵasyp jatyr. Polıtsııa qyzmetkerleri megapolıste tonaý faktisine qatysy bar degen kúdikpen bir er adamdy ustady, dep habarlaıdy QazAqparat tilshisi.

Alataý aýdandyq polıtsııa basqarmasynyń qyzmetkerleri úıdi aralaý barysynda 42 jastaǵy K.esimdi azamatty ustady. «Samǵaý» shaǵyn aýdanyndaǵy turǵyn úıdi tekserý kezinde «Volkswagen» avtokóliginen tonaý kezinde urlanǵan taýarlar tabylyp, tárkilendi.

«MTs 106, K-12 markaly tegis uńǵyly myltyq; 5 qalta pnevmatıkalyq patron; 5 optıkalyq kózdeýish; bir oq ótkizbeıtin kıim; saper kúregi men 6 áskerı shalbar belbeýi – qarý-jaraq dúkenine shabýyl jasaý kezinde urlanǵan. Qurylys marketinen kúdikti 3 shóp shabatyn qural; sorǵylar, qurylys keptirgishi, maı batareıalary jáne basqa da qurylys jabdyqtaryn alyp ketken»,- dep habarlady polıtsııadan.

Atalǵan fakti boıynsha Almaly jáne Áýezov aýdandarynyń polıtsııa basqarmalarynda sotqa deıingi tergeý amaldary bastaldy.