Almatyda er adamnan 500 danadan astam «ekstazı» tárkilendi

ALMATY. QazAqparat - Almatyda kontrabandalyq jolmen Eýropadan iri kólemde esirtki zattaryn ótkizbek bolǵan er adam ustaldy, dep habarlaıdy QazAqparat.

«26 tamyz kúni Almaty qalasynda jedel-izdestirý is-sharalary kezinde QR azamaty ustaldy. Oǵan Eýropadan poshta arqyly esirtki zattary jetkizilgen. Tekserý kezinde 500-den astam dana «ekstazı» dárileri, ıaǵnı psıhotroptyq zattar tabyldy. Kontrabandalyq jolmen jetkizilgen esirtki zattary tárkilendi», - delingen QR Qarjy mınıstrligi QMK ekonomıkalyq tergeý qyzmetiniń habarlamasynda.

Qazirgi ýaqytta Tergeý departamenti QR QK-niń 286-babynyń 4-bóligine sáıkes (tárkilengen zattardy nemese taralymy shekteýli zattardy kontrabanda) kúdikti sot qaýlysymen eki aıǵa qamaýǵa alyndy.

Oǵan múlkin tárkileý jáne 15 jyldan 20 jylǵa deıin bas bostandyǵynan aıyrý jazasy kesilýi múmkin.