Almatyda er adamdy poıyz qaǵyp, mert qyldy
ALMATY. QazAqparat- Almatyda er adamdy poıyz qaǵyp, mert qyldy, dep habarlaıdy QazAqparat tilshisi.
Kóliktegi polıtsııa departamentiniń málimetinshe, qaıǵyly oqıǵa 8 maýsym kúni keshki saǵat 22:10 shamasynda Almaty-1 jáne Almaty-2 stantsııalary arasyndaǵy ýchaskede bolǵan.
«Kólik polıtsııasynyń kezekshi bólimine jolaýshylar poıyzynyń belgilenbegen jerde temirjoldy kesip ótip bara jatqan er adamdy qaǵyp ketkeni týraly habarlama tústi. Zardap shekken turǵyn alǵan jaraqaty saldarynan aýrýhanada kóz jumdy»,- deıdi QR ІІM Kóliktegi polıtsııa departamentiniń baspasóz hatshysy Lıazzat Qasymjanova.
Atalǵan derek QR Qylmystyq kodeksiniń 344-babynyń 2-bóligi (Abaısyzda adam ólimine ákep soqqan jol qozǵalysy nemese temirjol kóligin paıdalaný qaýipsizdigi qaǵıdalaryn buzý) boıynsha sotqa deıingi tergep-tekserýdiń biryńǵaı tizilimine tirkeldi.
«Ózge málimetter QR Qylmystyq-protsestik kodeksiniń 201-babynyń talaptaryna sáıkes tergeý múddesi úshin jarııa etilmeıdi», - dep atap ótti vedomstvo ókili.
Sonymen qatar, ol temirjoldyń qaýipti aımaq ekenin eske saldy.
