Almatyda er adamdy kólik qaǵyp ketti
ALMATY. QazAqparat - Almatyda kólik qaǵyp ketken er adam shuǵyl túrde aýrýhanaǵa jetkizildi, dep habarlaıdy QazAqparat tilshisi.
Oqıǵa 8 tamyz kúni keshki saǵat 21:38-de Rysqulov dańǵylynda oryn aldy. Dálirek aıtqanda, Kýderın men Tilendıev kósheleriniń arasynda bolǵan. Kýágerlerdiń aıtýynsha, Toıota kóligi Rysqulov dańǵylynyń boıymen kele jatyp, jaıaý júrginshiler jolynan birneshe ondaǵan metr jerde ótip bara jatqan er adamdy qaǵyp ketken.
«Er adam aýyr halde aýrýhanaǵa jetkizilip, shuǵyl túrde neırohırýrgııa bólimine jatqyzyldy, qazir onyń jaǵdaıy ortasha aýyr»,-dedi Almaty qalalyq qoǵamdyq densaýlyq saqtaý basqarmasynyń baspasóz qyzmetinen.
