Almatyda er adamdy qaǵyp óltirgen júrgizýshige sot úkimi shyqty
ALMATY. QazAqparat – Almatyda mas kúıinde Saın kóshesinde jaıaý júrginshini qaǵyp óltirgen júrgizýshige qatysty sot úkimi shyqty, dep habarlaıdy QazAqparat tilshisi.
Almaty qalalyq sotynyń úkimimen júrgizýshi QR QK 345-baby 3-bóligi (abaısyzda adam ólimine soqtyrǵan jol qozǵalysy nemese kólik quralyn paıdalaný erejesin buzý) boıynsha aıypty dep tanylyp, 3 jylǵa bas bostandyǵynan aıyryldy.
Almaty sotynyń baspasóz qyzmetinen túsken málimetke qaraǵanda, ótken jyldyń jeltoqsan aıynda E. Amanjolov jol júrý erejesiniń 2.4.2-tarmaǵynyń talaptaryn buzyp, mas kúıinde K. esimdi jaıaý júrginshi qaǵyp ketken. Er adam alǵan jaraqattarynan sol jerde kóz jumdy.
«Sottalýshy ózine taǵylǵan aıypty moıyndap, jasaǵan isine ókindi. Sot ony úsh jylǵa bas bostandyǵynan jáne tórt jyl merzimge kólik quralyn basqarý quqyǵynan aıyrdy. Ol jazasyn eń tómengi qaýipsizdik qylmystyq-atqarý júıesi mekemesinde óteıdi»,- dep habarlady Almaty qalalyq sotynyń baspasóz qyzmeti
Sot úkimi zańdy kúshine engen joq.
