Almatyda er adamdy qaǵyp ketken kólik júrgizýshisi ustaldy
ALMATY. QazAqparat - Almatyda er adamdy kóligimen soǵyp ketken júrgizýshi ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, jol apaty 9 qyrkúıekte Túrksib aýdanynda bolǵan. Seıfýllın kóshesinde belgisiz kólik er adamdy qaǵyp ketken.
Japa shekken er adam qaladaǵy aýrýhanalardyń birinde jansaqtaý bóliminde jatyr.
Jol apaty qas qaraıa bolǵanyna qaramastan, polıtsııa júrgizýshini ustady.
«Jol apatyn kózimen kórgender kóliktiń qara tústi «Mazda» ekenin shamalady. Sodan soń jańa aqparattyq tehnologııalardyń múmkindigin paıdalana otyryp, kameralardan adam qaqqan kólikti taptyq. Kólik ıesi qazir adam qaqqanyn moıyndady. Jol apatynyń mán-jaıyn anyqtaý bólimi qarap jatyr», - dedi jergilikti polıtsııa qyzmetiniń izdestirý bóliminiń basshysy Erik Nasyrbekov
