Almatyda er adamdy aryqqa laqtyryp jibergen júrgizýshi ustaldy
Almaty qalalyq Polıtsııa departamentiniń málimetinshe, Sátbaev pen Baıtursynov kósheleriniń qıylysynda júrgizýshilerdiń ótýine kedergi jasap, apatty jaǵdaı týǵyzǵan er adamdy aryqqa laqtyryp jibergen júrgizýshi ustaldy.
«Mas er adamdy jol jıeginen aryqqa laqtyryp jibergen sheteldik kólik júrgizýshisi anyqtalyp, jaýapqa tartyldy. Ol – 1988 jyly týǵan N.esimdi azamat. Al 28 jastaǵy P. esimdi azamattyń alǵan dene jaraqatynyń aýyrlyǵyn anyqtaý úshin sot-medıtsınalyq saraptama taǵaıyndaldy»,- dep habarlady polıtsııadan.
Aıta keteıik, oqıǵa vıdeosy áleýmettik jelide taraǵan bolatyn.
Keıin tártip saqshylary jol júrisine kedergi keltirgen 28 jastaǵy almatylyq azamattyń ortasha dárejede alkogoldik mas kúıde bolǵanyn anyqtady. Ol ákimshilik quqyq buzýshylyq týraly zańnyń 615 jáne 440-baptary boıynsha jaýapqa tartyldy.
