Almatyda er adamdy aryqqa laqtyryp jibergen júrgizýshi izdestirilip jatyr
ALMATY. QazAqparat - Almaty polıtsııasy mas adamdy aryqqa laqtyryp jibergen júrgizýshini izdestirip jatyr, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, oqıǵa Sátbaev pen Baıtursynov kósheleriniń qıylysynda bolǵan. Belgisiz er adam joldyń qaq ortasynda turyp, júrgizýshilerdiń ótýine kedergi jasap, apatty jaǵdaı týǵyzǵan.
Onyń vıdeosy áleýmettik áleýmettik jelide tarady.
«Polıtsııa departamentiniń kezekshi bólimine mas jaıaý júrginshi týraly aqparat 8 aqpan kúni saǵat 17:15-te kelip tústi. Tártip saqshylary 28 jastaǵy almatylyq azamattyń ortasha dárejedegi alkogoldik mas kúıde bolǵanyn anyqtady. Ol ákimshilik quqyq buzýshylyq týraly zańnyń 615 jáne 440 baby boıynsha jaýapqa tartyldy»,- deıdi Bostandyq aýdandyq polıtsııa basqarmasynyń bastyǵy Dýman Aýhadıev.
Sonymen qatar, polıtsııa ókili er adamdy joldyń shetine ıterip, aryqqa laqtyryp jibergen kólik júrgizýshisiniń kim ekeni anyqtalyp jatqanyn aıtty. Onyń áreketine quqyqtyq baǵa beriledi.
«Aıta keteıik, aryqqa qulaǵan P. esimdi azamat medıtsınalyq kómekke júgingen joq», - dedi Dýman Aýhadıev.
