Almatyda er adamdar myltyqtan oq atty
ALMATY. QazAqparat - Almatyda er adamdar myltyqtan oq atty, dep habarlaıdy QazAqparat tilshisi.
Oqıǵanyń vıdeosy áleýmettik jelilerde tarady.
«Eki kólik kelip toqtady. Іshinen úsh er adam shyqty. Biraz turyp, keıin kóliktiń júk salǵyshynan myltyqty alyp shyǵyp oq atty»,- dep jazdy jeli qoldanýshy.
Almaty qalalyq Polıtsııa departamentiniń málimetishe, oq atqandar anyqtaldy.
«Búgin túske deıin áleýmettik jelilerge monıtorıng júrgizý kezinde bul fakt anyqtaldy. Alataý aýdandyq polıtsııa basqarmasynyń qyzmetkerleri olardy anyqtap polıtsııaǵa jetkizdi. Tergeý amaldary júrgizilýde. Árqaısysynyń is-áreketine zańǵa sáıkes quqyqtyq baǵa beriledi. Vıdeoda paıda bolǵan qarýdyń naqty kimge tıesili ekenin jáne shyqqan jerin mindetti túrde anyqtaımyz», - dep habarlady polıtsııadan.
