Almatyda er adam janynan ótip bara jatqan boıjetkendi pyshaqtady
Almaty qalalyq Polıtsııa departamentiniń málimetinshe, oqıǵa 24 naýryz kúni bolǵan.
«Qasymnan ótip bara jatqan adam arqama pyshaq saldy. Ókpeme de zaqym kelipti. Ota jasaldy. Qazir densaýlyǵym jaqsy. Dárigerlerge alǵysym sheksiz», - dep jazdy jaraqat alǵan qyz Instagram-daǵy paraqshasynda.
Onyń sózine qaraǵanda, pyshaqtaǵan adamdy múldem tanymaıdy.
Polıtsııa departamertiniń baspasóz qyzmeti kúdiktiniń ustalǵanyn málimdedi.
«Kúdikti 1969 jyly týǵan Almatynyń turǵyny bolyp shyqty. Ol ishimdikke masań kúıde bolǵan, sosyn ótip bara jatqan qyzǵa esh sebepsiz shabýyl jasap, pyshaqpen jaraqattaǵan. Qazir qyz aýrýhanada jatyr. Atalǵan fakt sotqa deıingi tergeýdiń biryńǵaı tizilimine QR Qylmystyq kodeksiniń 293-baby (Buzaqylyq) boıynsha tirkelgen. Tergeý júrip jatyr», - dep habarlady polıtsııadan.