Almatyda er adam túrmege geroın sińirilgen shulyqtardy ótkizbek bolǵan
ASTANA. QazAqparat - Almaty qalasyndaǵy tergeý abaqtysynyń qyzmetkerleri isi tergeýde bolyp, sonda qamaýǵa alynǵan áıelge esirtkilik zatty aılaly túrde jiberýdiń aldyn aldy, dep habarlady ońtústik astananyń QAJ departamentinen.
Sálem-saýqattardy tekserý kezinde mekeme qyzmetkerleri qamaýda otyrǵandardyń birine jiberilgen shulyqtarǵa nazar aýdarǵan. Tártip saqshylary qyraǵylyǵynyń arqasynda shulyqtarǵa esirtkilik zat sińirilgeni anyqtaldy. Sot-hımııalyq saraptama onyń geroın ekendigin kórsetti.
«Geroındik» sálemdeme esirtkilik zattarmen baılanysty qylmys jasaǵany úshin qylmystyq jaýapkershilikke (QR QK-niń 297 babynyń 3 tarmaqshasy) tartylǵan áıelge jiberilgenin atap ótý kerek. Atalǵan bap múlkin tárkileýmen birge 10 jyldan 15 jylǵa deıin bas bostandyǵynan aıyrý jazasyn qarastyrady, dep atap ótti Almaty qalalyq QAJ departamentinen.
