Almatyda er adam travmatıkalyq tapanshadan jaraqat aldy
ALMATY. QazAqparat – Almatyda eki er adam arasynda janjal shyǵyp, olardyń bireýi travmatıkalyq tapanshadan jaraqat aldy, dep habarlaıdy QazAqparat tilshisi.
Oqıǵa Tóle bı men Áýezov kósheleriniń qıylysynda bolǵan.
Almaty qalalyq Polıtsııa departamentiniń málimetishe, eki beıtanys adam arasynda janjal shyqqan. Nátıjesinde 1998 jyly týǵan er adam travmatıkalyq tapanshadan atylǵan oqtan jaraqattandy. Ol medıtsına mekemesine jetkizildi.
Oqıǵa bolǵan jerdi polıtsııa qyzmetkerleri qorshaýǵa aldy. 1987 jyly týǵan kúdikti ustalyp, ýaqytsha ustaý ızolıatoryna qamaldy. Qylmystyq kodekstiń 293-babynyń (Buzaqylyq) úshinshi bóligi boıynsha sotqa deıingi tergeý amaldary júrgizilýde.
