Almatyda er adam synǵan aǵashtyń astynda qaldy
ALMATY. QazAqparat - Almatyda er adam synǵan aǵashtyń astynda qaldy. Basynan jaraqat alǵan turǵyn shuǵyl túrde aýrýhanaǵa jetkizildi, dep habarlaıdy QazAqparat tilshisi.
Oqys oqıǵa Shalıapın men Beregovoı kósheleriniń qıylysynda bolǵan.
Kýá bolǵan adamdardyń aıtýynsha, júk kóligin tıep alǵan manıpýlıator Shalıapın kóshesimen batysqa baǵyt alyp bara jatqan. Sol sátte kóliktiń búıiri aǵashqa oralǵan trolleıbýs symdaryn ilip ketken.
Turǵyndardyń aıtýynsha, kommýnaldy qyzmet ókilderi trolleıbýs symdaryn aǵashqa oraı salǵan eken.
«Bul jerde beton baǵan bolǵan. Byltyr oǵan kólik soǵylyp, baǵan synǵan bolatyn. Sodan apattyq qyzmet ókilderi kelip, symdardy aǵashqa orap ketken», - dedi turǵyndar.
Sym oralǵan aǵash synyp ketip, qasynda turǵan er adamnyń ústine qulady.
Er adam shuǵyl túrde aýrýhanaǵa jetkizildi. Oqıǵa ornynda qazir apattyq qyzmet ókilderi jumys jasap jatyr.
